Asosiy qismga o'tish
Prufling

Maxfiylik siyosati

Kuchga kirgan: 2026-yil 7-oktabr

1. Qaysi ma'lumotlarni yig'amiz

Hisob: Telegram (@pruflingbot) orqali kirganingizda Telegram ID, ism, familiya, username (bo'lsa) va profil rasmi manzili keladi; Google orqali kirganingizda ism, elektron pochta manzili va profil rasmi keladi; ilovada o'zingiz qo'ygan ism va rasm ham saqlanadi. O'qish: o'tgan darslar, javoblar, takrorlash va o'yin natijalari, imtihon mashqlari va ballar, imtihon sanangiz, kunlik maqsad, sozlamalar. Ovoz yozuvlari — faqat gapirish mashqini o'zingiz boshlaganingizda va mikrofonga ruxsat berganingizda: AI bilan suhbat va ovoz chiqarib o'qishda ovoz matnga aylantirilib baholanadi va ovoz fayli o'chiriladi (matn va natija saqlanadi); imtihon mashqining Sprechen qismida yozuv, matn va talaffuz natijasi natijangizni ko'rsatish uchun saqlanadi va hisob o'chirilganda yo'qoladi. Yozma javoblar: Schreiben qismidagi matningiz baholash uchun saqlanadi. To'lov: Pro obunani Google Play orqali olsangiz to'lovni Google qabul qiladi, karta ma'lumotlari bizga kelmaydi; biz faqat xarid belgisi, obuna holati va muddatini olamiz. Bildirishnomalar: ruxsat bersangiz qurilmangiz uchun push token saqlanadi. Yig'maymiz: joylashuv, kontaktlar, telefon raqami, reklama identifikatori. Ilovada reklama yo'q.

2. Nima uchun ishlatamiz

Hisobingizni ochish va Telegram botdagi hisob bilan bir xil saqlash; darslar, takrorlash va imtihon mashqlarini ishlatish va natijangizni ko'rsatish; gapirish va yozishni AI orqali baholash; o'yinlarda ismingiz va ballingizni boshqa ishtirokchilarga ko'rsatish; Pro obunani tekshirish; o'zingiz yoqqan eslatma va bildirishnomalarni yuborish; xizmatni yaxshilash uchun qaysi mashq qiyin ekanini umumiy hisobda ko'rish. Ma'lumotlaringizni sotmaymiz va reklama uchun ishlatmaymiz.

3. Uchinchi tomonlar

Ma'lumot faqat xizmat ishlashi uchun kerakli qismida uzatiladi: Telegram (kirish va bot xabarlari: Telegram ID); Google (Google orqali kirish); Google Play (ilovani tarqatish va to'lov: xarid ma'lumotlari Google siyosati asosida); Firebase Cloud Messaging (push bildirishnomalar, yoqilgandan keyin: push token va xabar matni); RevenueCat (Pro obunani tekshirish, yoqilgandan keyin: ichki hisob ID va xarid tokeni); AI xizmatlari — OpenAI, Groq, Anthropic, Google Gemini (ovozni matnga aylantirish, gapirish va yozishni baholash, AI suhbat: ovoz yoki matn parchasi); Microsoft Azure Speech (talaffuzni baholash va nemischa ovoz: ovoz parchasi va matn). Bu xizmatlar ma'lumotni bizning topshirig'imiz bilan qayta ishlaydi. Qonun talab qilsa (sud yoki vakolatli organ so'rovi), ma'lumot berishimiz mumkin.

4. Saqlash va himoya

Serverlar bilan aloqa shifrlangan (HTTPS / WSS). Kirish tokeni qurilmangizda himoyalangan xotirada saqlanadi. Ma'lumotlar hisobingiz faol bo'lgan vaqtda saqlanadi. AI suhbat va ovoz chiqarib o'qishdagi ovoz fayllari matnga aylantirilgandan keyin o'chiriladi.

5. Hisobni o'chirish

Istalgan vaqtda: ilovada Men → Sozlamalar → Hisobni o'chirish; ilovasiz — prufling.com/uz/hisobni-ochirish sahifasi orqali yoki Telegram'da @SirliboyevUmurzoq ga xabar. Darhol: ism, familiya, username va rasm o'chiriladi, barcha kirish sessiyalari yopiladi, eslatmalar to'xtaydi. 30 kundan keyin: o'qish ma'lumotlari, javoblar, ovoz yozuvlari va natijalar butunlay o'chiriladi; 30 kun ichida qayta kirsangiz hisob tiklanadi. Saqlanadi: to'lov yozuvlari (summa, sana, holat) — buxgalteriya va qaytarish so'rovlari uchun qonun talab qiladi; ular ismingiz bilan bog'lanmaydi. Google Play'dagi Pro obunani Play Store'da alohida bekor qiling: hisobni o'chirish obunani avtomatik bekor qilmaydi.

6. Bolalar

Prufling kattalar uchun (imtihonga tayyorlanuvchilar). 16 yoshgacha bo'lganlar ma'lumotini ataylab yig'maymiz; shunday ma'lumot borligini bilsangiz, bizga yozing — o'chiramiz.

7. Huquqlaringiz

Siz o'z ma'lumotlaringizni ko'rish, tuzatish, o'chirish va nusxasini so'rash huquqiga egasiz. So'rovni Telegram'da @SirliboyevUmurzoq ga yuboring; 30 kun ichida javob beramiz.

8. O'zgarishlar

Siyosat o'zgarsa, yangi matnni shu sahifada sanasi bilan e'lon qilamiz; muhim o'zgarish bo'lsa, ilovada yoki Telegram botda xabar beramiz. Goethe-Institut va telc bilan aloqamiz yo'q; imtihon formatini takrorlaymiz.

Bog'lanish

Savollar uchun (Telegram): @SirliboyevUmurzoq